Kim Çen Inın çəkisindən danışmaq qadağan edildi - FOTO

Şimali Koreya prezidenti Kim Çen In bu dəfə də hər kəsi təəccübləndirməyi bacarıb.

BAKU.WS xəbər verir ki, tez-tez qəribə qadağaları ilə ajiotaja səbəb olan ölkə başçısı bu dəfə vətəndaşlara çəkisi haqqında danışmağı qadan edib.

Buna səbəb son zamanlar Kim Çen Inın xeyli arıqlaması və cəmiyyətdə prezidentin ağır xəstə olması ilə bağlı şayiələrin yayılmasıdır.

Koreya mətbuatının yaydığı məlumata əsasən, bu il ərzində Kim Çen In 20 kiloqram çəki atıb.

Bəzi mütəxəssislər prezidentin arıqlamasını yeni növ koronavirusa görə iqtisadi çətinlik dövrü yaşayan ölkənin vətəndaşlarına xəbərdarlıq mesajı olduğunu bildirib.

Bəziləri isə Kim Çen Inın ölkənin üzləşdiyi qida qıtlığına görə fikir çəkdiyindən arıqladığını bildirib.