Bürcünə görə hansı "Harry Potter" obrazısan?

Hər bürcün özünəməxsus xarakter xüsusiyyətləri var və məşhur "Harri Potter" obrazları da fərqli xüsusiyyətləri əks etdirir.

BAKU.ÜS bürclərin tipik keyfiyyətləri ilə hansı "Harri Potter" qəhrəmanına bənzədiyini araşdırıb.

Qoç - Fred və Corc Uizli, Ceyms Potter

Uizli əkizlərinin 1 aprel – Axmaqlar Günündə doğulması təsadüfi deyil. Onlar, vaxtilə Ceyms Potter kimi, Hoqvartsın əsas zarafatçıları idilər. Qoç bürcünün tipik xüsusiyyətləri olan ambisiya, özünəinam və inadkarlıq bu obrazlarda aydın görünür.

Buğa - Horas Sliznort və Pomona Spraut

Buğalar "çalış və əylən" prinsipi ilə yaşayırlar. Onlar sahələrində peşəkardırlar və karyera ambisiyasına sahibdirlər. Horas Sliznort Buğanın maddiyyat yönümlü tərəfini təmsil edir – uğurlu insanlarla əhatədə olmağı sevir və onlara səxavətli ziyafətlər verir.

Əkizlər - Drako Malfoy

Əkizlər bürcü nümayəndələri vəziyyətə uyğun davranan xameleonlardır. Drako Malfoy sosial oyunlarda ustadır və hər bir şəxsə qarşı fərqli maska taxaraq öz xeyrinə davranmağı bacarır.

Xərçəng - Dobbi

Xərçənglər ailə və dostluğa çox önəm verirlər. Dobbi də Harri Potterlə olan dostluğunu hər şeydən üstün tuturdu. Onun sadiqliyi, sevgisi və kömək etməyə həmişə hazır olması Xərçəng bürcünün əsas cəhətləridir.

Şir - Harri Potter

Şir bürcü təbii lider və diqqət mərkəzində olmağa meyillidir. Harri və Cini yalnız Qriffindorda deyil, bütün Hoqvartsda məşhur və cəsur tələbələr kimi tanınırdılar. Şirlər həm də qürurlu və sadiq olurlar.

Qız - Hermiona Qreyncer

Qız bürcü detallara önəm verir, məntiqlidir və mükəmməlliyə can atır. Hermionanın çalışqanlığı və imtahanlardan kəsilmək qorxusu bu bürcün ən tipik xüsusiyyətlərini əks etdirir.

Tərəzi - Minervə MakQonaqall

Tərəzilər ədalət və tarazlıq axtarışındadırlar. MakQonaqall tələbələrə qarşı həm sərt, həm də ədalətli olub. Onun empatiya qabiliyyəti və anlayışlı olması bu bürc üçün səciyyəvidir.

Əqrəb - Sirius Blek

Əqrəblər ya cazibədar və parlaq, ya da gizli və qaranlıq ola bilirlər. Sirius həm intiqamla hərəkət edən, həm də Harriyə dərin sədaqətlə yanaşan bir obrazdır. Onun xarizması və dərin hissləri Əqrəb bürcünün güzgüsüdür.

Oxatan - Rubeyus Haqrid

Oxatanlar macərapərəst və fəlsəfi təbiətə malikdirlər. Haqrid təbiətə və nadir canlılara olan marağı ilə seçilir. O, daim öyrənməyə və başqalarına öyrətməyə meyllidir.

Oğlaq - Severus Sneyp

Oğlaqlar ambisiyalı, ağıllı və məqsədli insanlardır. Sneyp seçdiyi yoldan dönmədən, məqsədləri uğrunda hər cür fədakarlığa hazırdır. Onun ciddi və səbirli davranışı Oğlaq bürcünün əsl simvoludur.

Dolça - Artur Uizli

Dolçalar fərqli düşünən, maraqlı və qeyri-adi maraqlara sahib xəyalpərəstlərdir. Artur Uizli elektrik və maqllar dünyasına olan marağı ilə tipik Dolçadır. O, başqalarının qəribə saydığı şeylərə böyük maraqla yanaşır.

Balıqlar - Ron Uizli və Remus Lyupin

Balıqlar tam empatik və emosional bürcdür. Ron emosiyalarını idarə etməyi öyrənməyə çalışır, Lyupin isə bu sahədə daha yetkindir. Hər iki obraz fədakar, sadiq və daxili melankoliyaya meyllidir. Onlar qurban verməyə və yaxınları üçün hər şeyə hazırdırlar.