Belarusda koronavirusa yoluxanların sayı 3 mini ötüb

Belarusda sutka ərzində COVID-19 virusuna yoluxanların sayı 362 nəfər artaraq 3281 nəfərə çatıb.

BAKU.WS xəbər verir ki, bu barədə ölkənin Səhiyyə Nazirliyi məlumat yayıb.

Belarusda koronavirusdan həyatını itirənlərin sayı 33 nəfər təşkil edir.

"3281 nəfərdə koronavirus infeksiyası qeydə alınıb. Onlardan 2444-ü xəstəxanaya yerləşdirilib. Qalan xəstələrin yüngül xəstəliyi var və onlar ambulator şəraitdə müalicə olunur. 57 xəstənin mexaniki bir ventilyasiya cihazının dəstəyinə ehtiyacı var. 33 xəstə koronavirus infeksiyası ilə bir sıra xroniki xəstəliklərdən vəfat edib", - deyə məlumatda qeyd olunur.