8 mindən çox saxta alkoqollu içki dövriyyədən çıxarılıb - RƏSMİ

AQTA-nın sədr müavini Əziz Şərifov ötən il ərzində alkoqollu içkilərin satışı və dövriyyəsi üzrə həyata keçirilən nəzarət tədbirləri çərçivəsində görülən işlər barədə media nümayəndələrinə məlumat verib.

BAKU.WS xəbər verir ki, onun sözlərinə görə, ötən il ərzində alkoqollu içkilərin dövriyyəsi üzrə aparılan nəzarət tədbirləri çərçivəsində müxtəlif növ 8 197 ədəd saxta alkoqollu içki aşkarlanaraq satışdan kənarlaşdırılıb. Qanunsuz fəaliyyətlərin müəyyən edildiyi bütün hallarla bağlı qanunvericiliyə uyğun zəruri tədbirlər görülüb.