Basqal avtomobil yolunda torpaq sürüşməsi olub - FOTO/VİDEO - YENİLƏNİB

İsmayıllı rayonu Basqal kənd yolunda torpaq sürüşməsi baş verən əraziyə baxış keçirilib.

İsmayıllı rayonu Basqal kənd icra nümayəndəsi Novruz Əsədov qeyd edilən hadisə ilə bağlı açıqlamasında yolun mövcud vəziyyətindən xəbərdar olduqlarını bildirib.

Onun sözlərinə görə, İsmayıllı rayon 9 saylı Yol-İstismar İdarəsinin əməkdaşları torpaq sürüşməsi olan yola baxış keçiriblər və vəziyyəti qiymətləndiriblər.

İcra nümayəndəsi əlavə edib ki, yolda yaranan problem yaxın günlərdə aidiyyəti qurum tərəfindən aradan qaldırılacaq.

***

Basqal avtomobil yolunda torpaq sürüşməsi olub.

BAKU.WS Oxu.az-a istinadən xəbər verir ki, avtomobillər yolun bir hissəsi ilə hərəkət edirlər. Sürücülər yolun daha da təhlükəli ola biləcəyindən narahatdırlar.

Kənd sakinlərininverdikləri məlumata görə, Basqal yolunda torpaq sürüşməsinin artıq bir müddətdir baş verməsinə baxmayaraq, hələ də tədbir görülməyib.

"Kənd icra nümayəndəliyi bu işə biganə yanaşır", - deyə onlar bildirib.