Ziya Məmmədova sözü olanların nəzərinə!

Nəqliyyat naziri Ziya Məmmədov Ağdaşda vətəndaşları qəbul edəcək.

Nəqliyyat Nazirliyindən BAKU.WS-ə verilən məlumata görə, vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə nəqliyyat naziri Ziya Məmmədov 6 noyabr tarixində Ağdaş şəhərində Göyçay, Ucar və Ağdaş rayonlarında yaşayan vətəndaşları qəbul edəcək. 

Qəbula gəlmək istəyən vətəndaşların qeydiyyatı 04 noyabr 2015-ci il tarixində saat 09:00-dan 18:00-dək müvafiq olaraq aşağıdakı ünvanlarda aparılacaq:

• Ağdaş Yol İstismarı İdarəsi” (Ağdaş rayonu, Yuxarı Qəsil kəndi)

• Göyçay Yol İstismarı İdarəsi” (Göyçay şəhəri, Natəvan küçəsi-10)

• Ucar Yol İstismarı İdarəsi” (Ucar şəhəri, 29-cu məhəllə)

Şahin Həbibov

BAKU.WS