Leonardo Di Kaprionun daha bir oxşarı Rio-2016-da (FOTO)

Leonardo Di Kaprionun bənzərlərinin sayı hər keçən gün artmaqdadır.

BAKU.WS xarici mətbuata istinadən xəbər verir ki, yaraşıqlı Hollivud ulduzunun oxşarları arasında bu dəfə Rio-de-Janeyroda keçirilən Yay Olimpiya Oyunlarının iştirakçısı da var. Daha dəqiq söyləsək, ox atıcılığı üzrə öz komandasına gümüş medal verən amerikalı Breydi Ellison sanki aktyorun əkiz qardaşıdır.

Hətta sosial şəbəkələrdə "Vəziyyətə baxılarsa, görünən odur ki, Leonardo Di Kapro bu gedişlə qızıl medalı qazanacaq. Söhbət təbii ki, növbəti "Oskar”dan getmir”, "Leo "Atıcı” filmində Breydi Ellisonun obrazını canlandırmağa hazırlaşır”, "Leo Rioda keçirilən Olimpiadada ox ata-ata dincəlir” - kimi status yazanlara rast gəlinir.

BAKU.WS