Bu dünya ulduzları uşaq evində böyüyüblər - SİYAHI

Uşaq evində və ya çətin ailə şəraitində böyüyən bir çox dünya məşhuru var ki, onlar sonradan böyük uğurlara imza atıblar. Bu insanlar çətinliklərə baxmayaraq, istedadları və əzmləri sayəsində dünyaca tanınmış şəxsiyyətlərə çevriliblər.

BAKU.WS saytı xarici KİV-ə istinadən uşaq evində böyüyən və ya valideynsiz qalan məşhurların siyahısını təqdim edir:

Aktrisa, model, müğənni Merilin Monro

Merlinin anası psixi xəstə olduğuna görə o müxtəlif ailələrdə və uşaq evlərində böyüyüb. Uşaqlıq illəri çətin keçib. 1950-60-cı illərdə o ən məşhur Hollivud ulduzlarından biri olub.

"Apple" şirkətinin qurucusu Stiv Cobs

Bioloji valideynləri Stivi doğulduqdan sonra övladlığa veriblər. Uşaqlığını övladlığa götürülmüş ailədə keçirib. Texnologiya sahəsində inqilab yaradıb, dünya texnologiyasının simalarından biri olub.

Britaniyalı müğənni və bəstəkar Sil

Sənətçi nigeriyalı ailədə doğulub, lakin övladlığa verilib. Uşaq evində və övladlığa götürülmüş ailələrdə böyüyüb.

"Kiss From a Rose" kimi hit mahnılarla dünya şöhrəti qazanıb.

Reper, aktyor Ays-Ti

Reper hər iki valideynini erkən yaşda itirib. Uşaqlıq və yeniyetməlik dövrü çətin şəraitdə keçib. Musiqidə və seriallarda böyük şöhrət qazanıb.

Aktyor və komediyaçı Eddi Mörfi

Eddi Mörfinin atası ölüb, anası isə xəstəlik səbəbilə onu bir neçə il uşaq evinə yerləşdirib. Hollivudun ən tanınmış aktyor və komediyaçılarından biridir.

Musiqiçi Con Lennon (The Beatles)

Sənətçi atası tərəfindən tərk edilib, anası isə onu saxlaması üçün nənəsinə verib. "The Beatles" qrupunun əsas üzvlərindən biridir, musiqi tarixinə böyük təsir göstərib.

Aktyor Ceyms Din

Aktyor anasını itirdikdən sonra onu qohumları böyüdüb. Gənc yaşında Hollivud ulduzuna çevrilib, mədəniyyət ikonası sayılır.