Zəngilan şəhərindəki 4-cü yaşayış kompleksində binalar 131 mənzilli olacaq

Prezident İlham Əliyevin sentyabrın 28-də Zəngilan şəhərində təməlini qoyduğu 4-cü yaşayış kompleksindəki 3, 4 və 5 mərtəbəli çoxmənzilli binalar 131 mənzildən ibarət olacaq.

"Report"un Zəngilana ezam edilmiş müxbiri xəbər verir ki, bunu Prezidentin Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonları üzrə xüsusi nümayəndəliyinin böyük məsləhətçisi Aqil Qurbanov bildirib.

"Yaşayış kompleksinin inşa olunacağı ərazi şəhərin ortasıxlıqlı çoxfunksiyalı zonasında, inzibati mərkəzin yaxınlığında yerləşir. Bu kompleksin ərazisi iki hektardır", - deyə o qeyd edib.