Rusiyada ağır yol-nəqliyyat hadisəsi: Beş nəfər öldü

Rusiyanın Murmansk vilayətində sərnişin mikroavtobusu və yük avtomobilinin iştirakı ilə baş verən ağır yol-nəqliyyat hadisəsində 5 nəfər ölüb.

BAKU.WS xəbər verir ki, bu barədə Rusiyanın Daxili İşlər Nazirliyinin vilayət üzrə idarəsinin mətbuat xidməti jurnalistlərə bildirib.

Məlumata görə, hadisə nəticəsində mikroavtobusun 4 sərnişini aldıqları xəsarətlərdən təcili tibbi yardım gələnə qədər olay yerində ölüblər.

Daha sonra aldıqları xəsarətlərdən daha bir sərnişin (1953-cü il təvəllüdlü kişi) "Peçenqa Mərkəzi Rayon Xəstəxanası"nın reanimasiya şöbəsində keçinib.