Dünyada nə baş verir? Proqram sistemlərində qlobal problem davam edir - FOTO

Bir çox sektorun proqram sistemlərində qlobal problem yaranıb.

BAKU.WS xəbər verir ki, Kibertəhlükəsizlik nəhəngi CrowdStrike-in sistemlərində yaranan nasazlıqdan sonra bütün dünyada böyük fasilə yaranıb.

Türk Hava Yolları (THY) məlumat sistemlərində yaranan nasazlıq səbəbindən bilet və rezervasiya sistemlərində yaranan problemin aradan qaldırılması üçün iş aparıldığıтж bildirib. Qlobal problem təkcə aviasiya sənayesini əhatə etmir. Bu, fövqəladə hallar xidmətlərinin, bankların və bir çox digər qurumların sistemlərinin çökməsinə səbəb oldu. Avstraliyada yerləşən Telstra telekommunikasiya şirkəti qlobal uğursuzluğun həm Microsoft, həm də CrowdStrike-a təsir edən problemdən qaynaqlandığını bildirib.

Problemlə əlaqədar olaraq İnformasiya Texnologiyaları İdarəsi və Milli Kiber İnsidentlərə Qarşı Mübarizə Mərkəzi problemlərin mənbəyini müəyyən etmək və aradan qaldırmaq üçün işə başlayıb. Qısa bir müddət sonra BTK-dan edilən açıqlamada, "Problemin kiber hücumdan qaynaqlanmadığı, kəsilmənin CrowdStrike məhsulunu istifadə edən qurum və təşkilatlarda meydana gəldiyi müəyyən edilib", deyilib.

Məsələ ilə bağlı açıqlama verən Türkiyənin Nəqliyyat və İnfrastruktur Naziri Uraloğlu, "Problem kiberhücumdan qaynaqlanmayıb. Zədələnmiş və təsirlənən sistemlərlə bağlı bəzi qurumlarımızın dərhal müdaxiləsi ilə problemin əhəmiyyətli hissəsini aşmışıq" deyib. CrowdStrike, bütün dünyada texniki nasazlıqlara səbəb olan problemi müəyyən etdiklərini və problemi həll etmək üçün istifadəçilər üçün "müvəqqəti" bir həll hazırladıqlarını açıqladı.

ABŞ-ın Microsoft texnologiya şirkəti tərəfindən verilən açıqlamada Microsoft 365 sistemindəki müxtəlif tətbiqlərə təsir edən texniki problemin araşdırıldığı qeyd edilib.

Digər tərəfdən mətbuata əks olunan xəbərlərdə ABŞ-ın bir çox hava limanı ilə yanaşı, Almaniya, İspaniya və Avstraliyadakı hava limanlarında da texniki nasazlıqlar səbəbindən bir çox uçuşun həyata keçirilə bilmədiyi bildirilir. Məlumatlara görə, ABŞ-ın fövqəladə hallar xidmətinin kompüterləri də problemdən təsirlənib.

Sosial şəbəkələrdə bəzi fövqəladə hallar xidmətlərinin oflayn olduğu bildirilib.

Ümumilikdə, dünyanın bir çox ölkəsində yaşanan texniki problem hava limanlarında hərəkətin dayanmasına səbəb olub.

Qeyd edək ki, problem yalnız hava limanlarında deyil, texnologiyanın əhatə etdyi bir sıra sahələrdə də özünü göstərib.