Baxtadze: Polisin qanuni güc tətbiq etməkdən başqa yolu olmayıb

İyunun 20-də Tbilisidə polis əməkdaşlarının qanuni güc tətbiq etməkdən başqa yolu olmayıb.BAKU.WS-in məlumatına görə, bu sözləri Gürcüstanın Baş Naziri Mamuka Baxtadze iyunun 20-də ölkədə baş verən hadisələrlə bağlı bu gün keçirdiyi brifinqdə söyləyib.Nazir deyib ki, həmin gün bir neçə saat ərzində polis əməkdaşları fiziki zorakılığa və təhqiramiz ifadələrə məruz qalıblar. O gecə hadisələr elə cərəyan edib ki, baş verənlərə cavab vermək üçün nə Daxili İşlər Nazirliyinin, nə də onun rəhbərinin başqa seçimi olmayıb. Polis əməkdaşları paytaxtda nizam-intizamı qorumaq üçün Konstitusiyaya uyğun olaraq vəzifə borcunu yerinə yetiriblər.M.Baxtadze həmin gün çox ağır mənzərənin şahidi olduğunu qeyd edib: “Həm vətəndaşlar, həm də polis əməkdaşları xəsarətlər aldılar. Vətəndaşlarımızın xəsarət alması baxımından nəticə ağırdır. İnsan sağlamlığından vacib heç nə yoxdur”.