4 aylıq uşağını qaçıraraq boğazına bıçaq dirəyən ata vuruldu - VİDEO

Türkiyənin Antalya şəhərində 4 aylıq körpə polis tərəfindən xilas edilib.

BAKU.WS İHA-ya istinadən xəbər verir ki, 27 yaşlı E.Ş daha öncə birlikdə yaşadığı 19 yaşlı R.Ç-dən olan uşağını görmək üçün qadının evinə gedib.

Qadın uşağı vermək istəməyincə kişi şiddətə əl atıb. O, qadını döyərək uşağı əlindən alıb və oradan uzaqlaşıb. Hadisə barədə məlumat alan polislər qısa müddətdə əraziyə gediblər.

E.Ş əlindəki bıçağı körpənin boğazına dirəyərək polislərin oradan uzaqlaşmasını, əks halda uşağın boğazını kəsəcəyini deyib. Uzun danışıqlara baxmayaraq fikrindən dönməyən E.Ş ayağından vurularaq zərərsizləşdirilib. Körpə isə xilas edilərək anasına təhvil verilib.

Yaralanan şəxs xəstəxanaya yerləşdirilib. O, müalicədən sonra həbsxanaya göndəriləcək.

Qalereya