Türkiyə parlamentinin sədri: "Prioritetimiz Türkiyə-Azərbaycan-Gürcüstan mexanizmini işə salmaqdır"
![Türkiyə parlamentinin sədri: Prioritetimiz Türkiyə-Azərbaycan-Gürcüstan mexanizmini işə salmaqdır](https://baku.ws/storage/photos/thumbs/large/1708865621_tbmm-baskani-numan-kurtulmustan-yeni-anayasa-sozleri-rhkv.webp)
"Prioritetimiz Türkiyə-Azərbaycan-Gürcüstan mexanizmini işə salmaqdır, daha sonra Ermənistan, Rusiya və İran da bu fəaliyyətə qoşula biləcəklər".
BAKU.WS xəbər verir ki, bu barədə Türkiyə Böyük Millət Məclisinin sədri Numan Kurtulmuş Asiya Parlament Assambleyasının 14-cü plenar sessiyasında iştirak etmək üçün səfər etdiyi Azərbaycandan qayıdarkən təyyarədə jurnalistlərə söyləyib.
"Əvvəla Türkiyə-Azərbaycan-Gürcüstan üçlü mexanizmi... Bunu işə salacağıq. Keçən həftə Gürcüstanın xarici işlər naziri Ankarada idi. Bizdən israrla tələb etdikləri budur: Həm xarici işlər nazirləri, həm də parlament sədrləri səviyyəsində üçlü mexanizmi daha da gücləndirmək, dövlət başçıları formatında bunu irəli aparmaq, daha sonra Ermənistan, Rusiya və İranın bu fəaliyyətə daxil olması ilə altılı bir mexanizm yaratmaq", - parlament sədri deyib.
Xatırladaq ki, Türkiyə Böyük Millət Məclisinin sədri Numan Kurtulmuş fevralın 21-dən 24-dək Bakıda keçirilmiş Asiya Parlament Assambleyasının 14-cü plenar sessiyasında iştirak edib.
Oxşar xəbərlər
Bakıda Asiya Parlament Assambleyasının 14-cü plenar sessiyasının ilk gününə yekun vurulub - YENİLƏNİB
Bakıda Asiya Parlament Assambleyasının 14-cü plenar sessiyasının ilk gününə yekun vurulub. "Report" xəbər verir ki, “Asiyada dayanıqlı inkişaf naminə regional ə...