Venesuelada qızıl mədəni çökdü: 100-dən çox adam torpaq altında qaldı - VİDEO

Venesuelada qızıl mədəni çöküb.

BAKU.WS xarici KİV-ə istinadən xəbər verir ki, qeyri-qanuni fəaliyyət göstərən mədənin çökməsi nəticəsində 30 nəfər ölüb. Ölkənin Bolivar vilayətinin Angostura kəndindəki mədəndə 100-dən çox adam torpaq altında qalıb.

Vilayətin axtarış xilasetmə və mühafizə xidmətinin rəhbəri Edgar Colina Reyes bildirib ki, hazırda yaşanmış hadisə ilə bağlı araşdırmalar aparılır. Helikopterlə bölgəyə xeyli sayda xilasedicilər cəlb edilib.

Venesuela mətbuatında yayılan xəbərlərə görə, hadisə torpaq sürüşməsi nəticəsində baş verib.

Braziliya ilə Venesuelanın sərhədində yerləşən Bolivar vilayətindəki mədəndə qızıl, almaz, dəmir, kobalt və digər faydalı qiymətli qazıntılar var.