Sumqayıtda marşrut avtobusu “Hyundai”la toqquşub - xəsarət alanlar var - VIDEO

Sumqayıt şəhərində yol-nəqliyyat hadisəsi baş verib.BAKU.WS ONA-ya istinadən xəbər verir ki, qəza şəhərin Sülh küçəsində qeydə alınıb. “Hyundai” markalı avtomobil şirkətlərdən birinə məxsus yük avtomobili və daha sonra 9 nömrəli marşrut avtobusu ilə toqquşub. Zərbənin gücündən “Hyundai” markalı avtomobil tamamilə yarasız hala düşüb. Minik avtomobilində olan 2 nəfər ağır bədən xəsarətləri alaraq xəstəxanaya aparılıb.Qəza nəticəsində Sumqayıtın əsas girişində tıxac yaranıb. Yol polisinin müdaxiləsindən sonra nəqliyyatın hərəkəti bərpa olunub.Faktla bağlı araşdırma aparılır.