Bakıda iki avtobus toqquşdu – Yaralılar var – FOTO

Bakının Sabunçu rayonunda iki sərnişin avtobusu toqquşub.

Bu barədə Bakı Nəqliyyat Agentliyinin mətbuat xidmətinin rəhbəri Mais Ağayev BAKU.WS-ə məlumat verib.

Onun sözlərinə görə, 163 və 217 nömrəli avtobuslar toqquşub.

“Hadisə yerinə bizim əməkdaşlar cəlb olunublar. Qəzanın baş vermə səbəbləri araşdırılır”, - deyə Mais Ağayev bildirib.

Bakı şəhəri Təcili və Təxirəsalınmaz Tibbi Yardım Stansiyasından BAKU.WS-ə bildiriblər ki, qəza zamanı 3 qadın yaralanıb. Yaralılar xəstəxanaya yerləşdiriliblər. Qadınlardan birinin vəziyyəti ağırdır. Ona kəllə-beyin travması diaqnozu qoyulub.

Hadisə yerində “oxu.az”-ın əməkdaşları da olublar. Onların verdiyi məlumata görə, qəza zamanı 5 nəfər xəsarət alıb.