Azərbaycanda ana ölümü baş verib

Azərbaycanda daha bir ana ölümü qeydə alınıb. BAKU.WS-in APA-ya istinadən verdiyi məlumata görə, hadisə ötən gecə Lənkəran Mərkəzi Rayon Xəstəxanasının Perinatal Mərkəzində qeydə alınıb. Lənkəran rayonunun Şağlaser kənd sakini, 1997-ci il təvəllüdlü Sənayə Nazim qızı Ağayeva doğuşdan sonra dünyasını dəyişib. Bu ananın ilk doğuşu olub. Dünyaya gəlmiş körpənin isə sağ olduğu bildirilir. Lənkəran Mərkəzi Rayon Xəstəxanasının Perinatal Mərkəzində ana ölümünün səbəbləri barədə hələlik hər hansı bir açıqlama verilmir.

BAKU.WS