ABŞ və Çindən Ermənistan ordusuna 45 milyonluq yardım

ABŞ və Çin son 10 ildə Ermənistan ordusuna 45 milyon 500 min dollar yardım edib.

BAKU.WS-in məlumatına görə, Ermənistanın Müdafiə Nazirliyi bu yardımı 2005-ci ildən başlayaraq 2015-ci ilədək qrant şəklində alıb. 

ABŞ və Çin Ermənistanın Müdafiə Nazirliyi ilə birgə müxtəlif layihələr həyata keçirib. Bunlardan təkcə ABŞ höküməti tərəfindən həyata keçirdiyi "Xarici hərbi maliyyələşmə” (FMF) layihələrinə təxminən 41 milyon 700 min dollar məbləğində qrant verilib.

Həmin layihələr çərçivəsində həyata keçirilən təlimlərdə hərbi və dövlət qulluqçularının xarici dil biliklərinin inkişafına və müasir texnologiya vasitələrindən isitifadə qaydalarının öyrənilməsinə üstünlük verilib. 

2009-2013 illərdə isə Çin höküməti Ermənsitan ordusuna 3 milyon 800 min dollar məbləğində yardım edib.

Ayşən Ayxan 

BAKU.WS