Qızıl tarixdə ilk dəfə 3 250 dolları keçdi

Qızılın qiyməti yeni rekorda imza ataraq tarixdə ilk dəfə bir troya unsiyası (31,1034768 qrama bərabər olan kütlə vahidi) üçün 3 250 dolları keçib.

BAKU.WS xəbər verir ki, bu barədə Nyu-York Əmtəə Birjasının (Comex) məlumatlarına istinadən xəbər verilir.

2024-cü ilin dekabr ayında təhvil veriləcək fyuçers müqavilələri üzrə qızılın qiyməti 0,44% artaraq 3 251,9 dollar, daha sonra isə 0,35% artımla 3 248,8 dollar səviyyəsində qeydə alınıb.

Eyni zamanda, 2025-ci ilin iyun ayı üçün Brent markalı neftin London ICE birjasında fyuçers qiyməti 0,8% artaraq bir barel üçün 63,91 dollara, WTI markalı neftin may ayı üzrə fyuçers qiyməti isə 1,47% artımla 60,67 dollara çatıb.

Qeyd edək ki, qiymət artımı qlobal iqtisadi qeyri-müəyyənlik fonunda investorların təhlükəsiz aktivlərə yönəlməsi ilə izah olunur.