Yunanıstanda güclü meşə yanğını – Kəndlər təxliyə olundu

Yunanıstanın Saqqız adasında meşə yanğınları baş verib. Nəticədə bir neçə kənd təhlükəsizlik məqsədilə təxliyə edilib.

BAKU.WS sondakika-ya istinadən xəbər verir ki, yanğın şənbə günü başlayıb və güclü külək nəticəsində sürətlə yayılıb.

Rəsmi mənbələrin məlumatına görə, əraziyə təxminən 200 nəfər yanğınsöndürən və 6 helikopter cəlb olunub.

Hazırda yanğının söndürülməsi istiqamətində genişmiqyaslı tədbirlər davam etdirilir. Yanğının nəzarət altına alınması üçün səylər artırılıb. Yerli hakimiyyət orqanları sakinləri təhlükəsizlik tədbirlərinə ciddi əməl etməyə çağırıb.