Xərçəng xəstəsi olan rəqqasə "Donuz qripi"nə yoluxdu - Karantinə alındı

Xərçəng xəstəsi olan rəqqasə Tanyelinin yayılan daha bir görüntüsü sevənlərini kədərləndirib.

BAKU.WS xəbər verir ki, uzun müddətdir xəstəxanada müalicə alan rəqqasə bu dəfə "Donuz qripi"nə yoluxub.

O bu barədə sosial şəbəkə hesabında bildirib. Tanyeli qeyd edib ki, o çox ağır tərkibli dərmanlar qəbul edir.

Karantinə alındığını vurğulayan rəqqasə sevənlərindən onun üçün dua etmələrini xahiş edib.

Xatırladaq ki, bir neçə gün əvvəl Tanyeliyə oksigen maskası taxılmışdı. O ziyarətinə gələnlərə xəbərdarlıq edərək xəstəxanaya gəlməyə icazə verilmədiyini bildirmişdi.

Tanyeli artıq bir ildən çoxdur ki, pankreas xərçəngi (Mədəaltı vəzi xərçəngi) ilə mübarizə aparır.