Ukraynada işıq kəsintiləri tətbiq edilməyə başlayıb

Ukraynada işıq kəsintiləri tətbiq edilməyə başlayıb.

BAKU.WS xarici mediaya istinadən xəbər verir ki, Ukraynada enerji obyektlərinə zərbə təhlükəsi səbəbindən təcili işıq kəsintiləri tətbiq edilməyə başlanıb. Bu barədə Obşestvennoye məlumat yayıb.

İşıq kəsintilərini Ukraynanın Milli Enerji Şirkəti Ukrenergo və özəl enerji şirkəti DTEK həyata keçirir. Kəsintilər Nikolayev, Kiyev, Dnepropetrovsk, Çerkassk, Sumsk, Jitomir, Kirovograd ərazilərində, eləcə də Kiyev və Xarkov bölgələrində baş verir.

Əvvəllər Ukraynada qışda işıq kəsilməsinin mümkünlüyü barədə xəbər verilmişdi. Məlumatlara görə, ən çox ehtimal olunan işıq kəsintiləri gündə 8-14 saat arasında olacaq.