Ukrayna yenidən "Drujba" neft kəmərinə zərbə endirdi

Ukrayna Silahlı Qüvvələri (USQ) Rusiyanın Slovakiya və Macarıstana neft nəql etdiyi "Drujba" neft kəmərinə yenidən zərbə endirib.

BAKU.WS xəbər verir ki, bu barədə Macarıstanın xarici işlər naziri Peter Siyarto "Facebook" səhifəsində bildirib. 

Onun sözlərinə görə, hücum gecə saatlarında Rusiya–Belarus sərhədindəki sahədə baş verib və bundan sonra Rusiyadan Macarıstana neft tranziti dayandırılıb.

Siyarto həmçinin bunun qısa müddət ərzində neft kəmərinə edilən üçüncü hücum olduğunu xatırladıb.

Bundan əvvəl Ukrayna 18 avqustda "Drujba" neft kəmərinə hücum etmişdi və bu da neft tədarükünün dayandırılmasına səbəb olmuşdu.