Ukrayna ordusu Donetskdə üç kəndi azad etdi

Ukrayna Silahlı Qüvvələri Donetsk vilayətində uğurlu əks-hücum əməliyyatları keçirərək üç kəndi azad edib.

BAKU.WS xəbər verir ki, bu barədə Ukrayna ordusunun baş komandanı Aleksandr Sırski "Telegram" hesabında məlumat yayıb.

Onun sözlərinə görə, Ukrayna qoşunları Mixaylovka, Zeltonıy Qay və Vladimirovka yaşayış məntəqələrini düşmən qüvvələrindən təmizləyib:

"Cəbhədə vəziyyət olduqca gərgindir. Rusiya ordusu əsas diqqətini bu istiqamətə yönəldib. Buna baxmayaraq, biz müdafiə xəttimizi qoruyub saxlamalı və mövqelərimizi gücləndirməliyik", – deyə Sırski qeyd edib.