Üç ölkədən ABŞ-yə "güc nümayişi": Rusiya, Çin və İran donanması birləşdi

Rusiya, Çin və İran arasında "Bəndər Abbas" limanı sularında birgə dəniz təlimləri başlayıb.

BAKU.WS Oxu.Az-a istinadən xəbər verir ki, "The War Zone" bu barədə "The War Zone" nəşri xəbər yayıb.

Mənbə qeyd edir ki, manevrlər ABŞ-nin Yaxın Şərqdə hərbi iştirakını artırdığı bir dövrdə keçirilir.

İranın cənub sahillərində üç ölkənin dəniz qüvvələri strateji əhəmiyyətli ərazidə koordinasiya və taktiki hazırlıq məşqləri keçirəcək. Təlimlər Bəndər Abbas liman şəhəri yaxınlığında təşkil olunur.

İran Hərbi Dəniz Qüvvələrinin baş komandanı, kontr-admiral Şəhram İrani bildirib ki, "İran İslam Respublikası 47 ildir ki, Qərbi Asiyada təhdidlər, təbliğat və regiondan kənar donanmaların mövcudluğu ilə üzləşir".