Türkiyədən Suriyaya 1,2 milyondan çox qaçqın qayıdıb

Son doqquz ayda Türkiyədən Suriyaya təxminən 475 min qaçqın geri dönüb.

BAKU.WS xəbər verir ki, bu barədə Türkiyənin daxili işlər naziri Ali Yerlikaya bildirib.

Onun sözlərinə görə, 2024-cü il dekabrın 8-də Suriyada hakimiyyət dəyişikliyindən sonra ümumilikdə 474 min 18 nəfər könüllü şəkildə vətəninə qayıdıb.

Nazirin sözlərinə görə, 2016-cı ildən bu yana Türkiyədən Suriyaya geri dönənlərin sayı 1 milyon 213 min 620 nəfərə çatıb. Yerlikaya həmçinin hökumətin qaçqınların könüllü və ləyaqətli şəkildə geri qayıdışına dəstəyini davam etdirəcəyini vurğulayıb.