Türkiyədə səhər saatlarında iki ardıcıl zəlzələ olub

Aprelin 26-da Türkiyənin müxtəlif bölgələrində qısa fasilə ilə iki zəlzələ baş verib.

BAKU.WS xəbər verir ki, məlumat AFAD tərəfindən açıqlanıb.

İlk yeraltı təkan yerli vaxtla saat 08:01-də Yedisu ərazisində qeydə alınıb. Zəlzələnin gücü 4,4 bal, ocağının dərinliyi isə təxminən 7 kilometr olub.

Bundan təxminən 40 dəqiqə sonra, saat 08:41-də Sındırgı bölgəsində ikinci zəlzələ baş verib. Bu dəfə yeraltı təkanların gücü 3,1 bal olub və dərinliyi 14,93 kilometr olaraq ölçülüb.

Hər hansı ciddi dağıntı və ya xəsarət barədə məlumat verilməyib.