Türkiyədə FETÖ ilə əlaqəli daha 62 nəfər saxlanılıb

Türkiyədə FETÖ terror təşkilatı ilə əlaqədə şübhəli bilinən 62 nəfər hüquq-mühafizə orqanları tərəfindən saxlanılıb.

BAKU.WS xəbər verir ki, bu barədə məlumatı ölkənin daxili işlər naziri Ali Yerlikaya açıqlayıb.

Son iki həftə ərzində aparılan əməliyyatlar Türkiyənin 32 əyalətini əhatə edib. Nəticədə ümumilikdə 62 nəfər saxlanılıb, onlardan 41-i məhkəmənin qərarı ilə həbs edilib.

Nazirliyin məlumatına görə, saxlanılan şəxslər terror təşkilatı FETÖ ilə əlaqələrdə, cinayətkar şəbəkələrin maliyyələşdirilməsində və təşkilatın ideologiyasının təbliğində ittiham olunurlar.