Trampdan Çinə xəbərdarlıq: "İrana yardım baha başa gələcək"

ABŞ Prezidenti Donald Trump İranla bağlı mümkün addımlar fonunda Çinə sərt mesaj verib.

BAKU.WS CNN telekanalına istinadən xəbər verir ki, Tramp bildirib ki, Pekinin İrana hər hansı dəstək göstərməsi ciddi nəticələr doğura bilər.

O, ABŞ kəşfiyyatının Çinin İrana silah göndərməyə hazırlaşdığı barədə məlumatlarına münasibət bildirərək deyib: "Əgər Çin bunu etsə, Pekinin böyük problemləri olacaq".

Kəşfiyyat məlumatlarında qeyd olunur ki, Çin yaxın həftələrdə İran üçün yeni hava hücumundan müdafiə sistemləri göndərməyi planlaşdırır. Bu məlumatın kəşfiyyatın son qiymətləndirmələri ilə tanış mənbələr tərəfindən təsdiqləndiyi bildirilir.