Tramp ABŞ-nin cənub sərhədində fövqəladə vəziyyət elan etdi

ABŞ prezidenti Donald Tramp qeyri-qanuni miqrant axınının qarşısını almaq üçün ABŞ-nin cənub sərhəddində fövqəladə vəziyyət elan edilməsi haqqında fərman imzalayıb.

BAKU.WS xəbər verir ki, sənəd Ağ Evin saytında dərc olunub.

Tramp öz bəyanatında qeyd edib ki, hazırda ABŞ-ın suverenliyi təhdid altındadır.

ABŞ prezidentinin sözlərinə görə, son dörd il ərzində belə vəziyyət ştatlarda kütləvi xaosa, o cümlədən çoxlu günahsız amerikalıların ölümünə səbəb olub. Narkotik kartellərinin Amerika şəhərlərinin bəzi hissələrinə və ABŞ sərhədinin cənubundakı geniş ərazilərə nəzarət etməyə başladığı və qeyri-qanuni mühacirlərin Amerikaya girişini təmin etdiyi deyilir.

Tramp ABŞ Silahlı Qüvvələrinə cənub sərhədində tam operativ nəzarətin yaradılması üçün bütün lazımi tədbirləri görməyi tapşırıb.