Times meydanında dəhşət, kişi diri-diri yandırıldı

ABŞ-nin Nyu-York ştatında Times Meydanında naməlum şəxs tərəfindən bir kişi yandırılıb. 45 yaşlı zərərçəkən xəstəxanaya yerləşdirilib və vəziyyətinin stabil olduğu bildirilib.

BAKU.WS trt haber-ə istinadən xəbər verir ki, hadisə bazar günü səhər saat 04:00 radələrində baş verib.

Şahidlərin sözlərinə görə, alova bürünən kişi təxminən 30 metr qaçıb. Ətrafda olan bir nəfər yanğınsöndürən balonla müdaxilə edərək alovları söndürüb.

Polis hücumun məqsədli olub-olmadığını araşdırır. Hadisə yerindən qaçan şübhəlinin tapılması üçün istintaq başlanılıb.

Hadisə yerində araşdırma aparan mütəxəssislər zərərçəkənin üzərinə Patron marka tekila şüşəsindən tezalışan maddə töküldüyünü və daha sonra yandırıldığını müəyyən edib.

Hadisə şəhərdə təhlükəsizlik narahatlıqlarını yenidən gündəmə gətirib. Sakinlər xüsusilə səhər saatlarında polis nəzarətinin zəif olduğunu və təhlükəsizlik tədbirlərinin artırılmasını tələb edirlər.