Təbrizdə daha bir körpəyə türk adına görə şəhadətnamə verilmir

Təbriz şəhərinin Vətəndaş Qeydiyyatı İdarəsi Asena adlı uşağa doğum haqqında şəhadətnamə verməkdən imtina edib. Nəticədə, aprelin 22-də anadan olmuş qız uşağı artıq 128 gündür ki, şəhadətnaməsiz qalıb.

BAKU.WS Azad İran-a istinadən xəbər verir ki, uşağın atası Fərhad Pakruh məsələ ilə bağlı "Balamın Adı" kampaniyasına açıqlamasında bildirib ki, qeydiyyat idarəsinin əməkdaşları əvvəlcə texniki səbəbləri – sistemdə "həmzə" işarəsinin istifadəsinə icazə verilmədiyini – əsas gətiriblər. Valideynlər bu açıqlamanın ziddiyyətini "Maidə" və "Faizə" kimi adların qəbul edildiyini xatırladaraq sual etsələr də, onlara yalnız "qanun belədir" cavabı verilib.

Pakruh əlavə edib ki, məsələ məhkəməyə çıxarılıb və məhkəmə ailənin xeyrinə qərar versə də, Təbriz Qeydiyyat İdarəsi bu qərarın icrası üçün Tehrandan əlavə təsdiq tələb olunduğunu bildirib.