Suriyadakı atışmada ABŞ hərbçiləri yaralanıb

Suriyanın Homs əyalətinin mərkəzi hissəsində yerləşən Palmira şəhəri yaxınlığında baş verən atışmada iki Suriya və bir neçə ABŞ hərbçisi yaralanıb.

BAKU.WS Oxu.Az-a istinadən xəbər verir ki, bu barədə SANA agentliyi məlumat yayıb.

Məlumata görə, silahlı şəxs birgə patrul zamanı hərbçilərə atəş açıb. O, hadisə yerində öldürülüb. Onun motivləri barədə heç bir məlumat verilməyib.

Hadisə səbəbindən Deyr-əz-Zor-Dəməşq magistral yolunda hərəkət müvəqqəti olaraq dayandırılıb.