Semih Şentürk cibgirin hücumuna məruz qalıb

"Fənərbağça" və Türkiyə yığmasının keçmiş futbolçusu, hazırda şərhçi kimi çalışan Semih Şentürk Barselona şəhərində cibgirin hücumuna məruz qalıb.

BAKU.WS xəbər verir ki, Barselonanın "Kamp Nou" stadionundan görüntülər paylaşan Semih Şentürk həyat yoldaşı və dostları ilə birlikdə taksiyə minmək istəyərkən bir cibgirin hücumuna hədəfinə çevrilib.

Hadisə zamanı cibgir Semihin çantasını aparmağa cəhd edib. Ona müqavimət göstərən və çantasını xilas edən Şentürk təəssüf ki, qolundakı saatı oğurlanmaqdan qurtara bilməyib. Hadisədən sonra polislər cinayətkarı tutmaq üçün əməliyyata başlayıblar.