Rusiya ordusu gecə saatlarında Kiyevi bombalayıb

Rusiya hərbçiləri ötən gecə Kiyev şəhərinə güclü kombinə edilmiş raket hücumu həyata keçiriblər.

BAKU.WS xəbər verir ki, hücum nəticəsində Kiyevdə dəmir yolu infrastrukturu zərbə alıb.

Bundan əlavə, Rusiya Silahlı Qüvvələri Xarkovda yerləşən Malışev adına nəqliyyat maşınqayırma zavodunu və şəhərin hava limanını da hədəfə alıb. Həmçinin zərbələr Kiyev, Jitomir, Dnepropetrovsk, Xarkov, Poltava, Xmelnitski, Sumı və Zaporojye vilayətlərinə də yönəldilib.

Qeyd edək ki, müharibənin 2025-ci ilində Ukrayna obyektlərinə qarşı ən intensiv hücumlardan biri olub.