Qəzzada ölənlərin sayı 41,6 min nəfərə çatıb

İsrail ordusunun endirdiyi zərbələr nəticəsində Qəzzada həlak olan fələstinlilərin sayı 41 min 595 nəfərə çatıb.

BAKU.WS xəbər verir ki, bu barədə anklavın Səhiyyə Nazirliyi məlumat yayıb.

İndiyə qədər 96 251 nəfər insan bu zərbələrdən zərər çəkib.

Son 24 saatda 9 nəfər ölüb, 41 nəfər yaralanıb.

Qeyd edək ki, 2023-cü il oktyabrın 7-də HƏMAS İsrailin nəzarətində olan ərazilərə hücum edib. Buna cavab olaraq İsrail ordusu Qəzzada hərbi əməliyyatlara başlayıb.