Qətər Əmiri və Tramp ABŞ-İran münasibətlərini müzakirə ediblər

Qətər Əmiri Şeyx Təmim bin Həməd Al Tani ilə ABŞ Prezidenti Donald Tramp arasında telefon danışığı baş tutub.

BAKU.WS xəbər verir ki, söhbət zamanı ABŞ və İran arasında gərginliyin azaldılması, eləcə də Yaxın Şərqdə təhlükəsizlik və sabitliyin gücləndirilməsi məsələləri müzakirə olunub.

Donald Tramp Qətərin vasitəçilik səylərini yüksək qiymətləndirib. Qətər Əmiri isə dialoqun davam etdirilməsinin və tərəflər arasında əldə olunan razılaşmalara əməl edilməsinin vacibliyini vurğulayıb.