Putin və Pezeşkian Kremldə görüşüb

Rusiya prezidenti Vladimir Putin və iranlı həmkarı Məsud Pəzeşkian Kremlin binasında görüşüblər.

Bu barədə TASS məlumat yayıb.

Qeyd olunur ki, liderlər Yaxın Şərqdə, o cümlədən Suriyadakı vəziyyətin inkişafını müzakirə ediblər. Həmçinin İranın nüvə proqramı ilə bağlı mövzulara da toxunublar.

Putin və Pəzeşkian ticarət-investisiya, nəqliyyat-loqistika və humanitar sahələrdə ikitərəfli əməkdaşlığın genişləndirilməsini müzakirə ediblər.

Görüşdən əvvəl Pəzeşkian bildirib ki, Rusiya-İran hərtərəfli strateji tərəfdaşlıq sazişi ikitərəfli əlaqələrdə yeni bir fəsil açacaq.