Estoniya Moldovada səfirlik açır

Estoniyanın xarici işlər naziri Marqus Tsahkna Kişineua səfəri çərçivəsində moldovalı həmkarı, baş nazirinin müavini Mihai Popşoyla görüşüb.

BAKU.WS "Report"a istinadən xəbər verir ki, bu barədə Tsahkna "X" sosial şəbəkəsində yazıb.

"Təhlükəsizlik sahəsində ümumi çağırışlarımızı və Estoniya ilə Moldova arasında artan əməkdaşlığı müzakirə etmək üçün bu gün Kişineuda dostum və həmkarım Mihai Popşoyla görüşməyə şadam", - paylaşımda bildirilib.

Qeyd olunub ki, səfərin əsas məqsədi bu gün baş tutacaq Estoniyanın Moldovadakı səfirliyinin açılışıdır.

"Bu gün daha sonra biz ölkələrimizi daha da yaxınlaşdıracaq, eləcə də Moldovanın dayanıqlığının artırılması, onun islahatlarının və Avropa gələcəyinin dəstəklənməsi üzrə birgə işimizi gücləndirəcək Estoniya səfirliyini açacağıq", -Tsahkna qeyd edib.