Pakistandakı məsciddə törədilən hücumda ölənlərin sayı 38-ə çatdı

Pakistanın paytaxtı İslamabadda bir məsciddə cümə namazı zamanı baş verən partlayış nəticəsində ölənlərin sayı 38-ə yüksəlib. Hücum zamanı yaralanan bəzi şəxslərin xəstəxanada vəfat etməsi bu artıma səbəb olub.

BAKU.WS xarici KİV-ə istinadən xəbər verir ki, hadisə İslamabadın Shehzad Town bölgəsində, şiələrə məxsus İmam Bargah məscidində baş verib. Partlayış nəticəsində 160-dan çox insan yaralanaraq müxtəlif xəstəxanalara aparılıb.

Rəsmi mənbələr partlayışın "terror hücumu" olduğunu təsdiqləyib və hücumu İŞİD ilə əlaqəli qrupun üzərinə götürdüyü bildirilib. Pakistan Daxili İşlər Nazirliyi hadisəyə aid əməliyyatlarda 4 şübhəlini həbs edib.

Hücumun planlanması, təlim və koordinasiyasının İŞİD tərəfindən Əfqanıstanda həyata keçirildiyi bildirilib.