Nelson Mandelanın nəvəsi oğurluq üstündə saxlanılıb

Cənubi Afrika Respublikasının keçmiş prezidenti Nelson Mandela Ndilekanın nəvəsi avtomobil oğurluğunda şübhəli bilinərək saxlanılıb.

BAKU.WS xəbər verir ki, bu barədə SABC News yanvarın 8-də polisə istinadən məlumat yayıb.

"Mandelanın nəvəsi də daxil olmaqla beş şübhəli avtomobil oğurluğuna görə saxlanılıb", - məlumatda deyilir.

Telekanalın məlumatına görə, avtomobil Mandelanın Cənubi Afrikanın Yohannesburq şəhərindəki keçmiş evində tapılıb. Bundan əlavə, dörd kişi və bir qadın olmaqla saxlanılan şəxslər dövlət qeydiyyatına alınmamış odlu silah saxlamaqda şübhəli bilinirlər.