Moskvada qızılca epidemiyası qeydə alındı

Moskvanın cənubunda bir neçə yaşayış binasında qızılca epidemiyası aşkar edilib.

BAKU.WS xəbər verir ki, bu barədə "Vesti" saytı məlumat yayıb.

Həkimlərin sözlərinə görə, yoluxanların əksəriyyəti peyvənd olunmayıb.

Xəstəliyin böyüklər üçün xüsusilə çətin olması barədə xəbərdarlıq edilib. Həkimlər özlərini və başqalarını qorumaq üçün insanları peyvənd etməyə çağırıblar.

Xatırladaq ki, bir həftə əvvəl Moskvanın cənubundakı 1450 nömrəli "Olimp" məktəbindəki uşaq bağçasında qızılcaya yoluxma halı aşkarlanıb.

Belə hallarla əlaqədar Moskvanın bir neçə universitetində tələbələr müvəqqəti olaraq distant təhsilə keçirilib.