Məşhur musiqiçi intihara cəhd edən qadını belə qurtardı

Məşhur musiqiçi Con Bon Covi intihara cəhd edən qadını fikrindən daşındırıb.

BAKU.WS xarici mediaya istinadən xəbər verir ki, məşhur amerikalı musiqiçi Con Bon Covi Amerika Birləşmiş Ştatalarının Tennessi ştatında körpüdə intihara cəhd edən qadını hərəkətindən əl çəkməyə razı salıb.

Yerli polis video çəkmək üçün körpüdə olduğu güman edilən Covinin intihara cəhd edən qadını razı saldığı anların görüntülərini yayımlayıb.

Səsyazmalarda Covinin körpünün məhəccərlərində dayanan qadına yaxınlaşaraq onunla söhbət etməsi aydın eşidilir.

Maraqlıdır ki, bu söhbətdən sonra qadın məhəccərləri tərk edərək Covini qucaqlayıb və hadisə yerindən uzaqlaşıb.