Məşhur müğənni Britni Spirs saxlanılıb

Məşhur amerikalı müğənni Britni Spirs Kaliforniya ştatında sərxoş halda avtomobil idarə etdiyi üçün polis tərəfindən saxlanılıb.

BAKU.WS xəbər verir ki, bu barədə TMZ portalı məlumat yayıb.

Hadisənin martın 4-ü axşam saatlarında baş verdiyi bildirilir. Yerli vaxtla saat 21:30 radələrində yol patrul xidməti pop ulduzunun avtomobilini saxlayıb. Gecə saat 03:00-a yaxın isə onun saxlanılması "Ventura County Sheriff's Office" tərəfindən rəsmi şəkildə rəsmiləşdirilib.

Məlumata görə, səhər saat 06:00-da müğənni sərbəst buraxılıb. Bundan sonra o, qanında alkoqol səviyyəsinin müəyyənləşdirilməsi üçün xəstəxanaya aparılıb.

Sənətçinin nümayəndəsi Kate Hudson "Page Six" nəşrinə açıqlamasında bildirib ki, baş verən hadisə xoşagəlməz və bağışlanmazdır. Onun sözlərinə görə, Britni Spirs bundan sonra qanunlara uyğun davranmağa çalışacaq və bu hadisənin həyatında müsbət dəyişikliklər üçün başlanğıc olacağına ümid edir.