Lavrov: Qələbə Paradında bütün MDB liderləri dəvət edilib

Rusiya Federasiyasının Prezidenti MDB ölkələrinin bütün rəhbərlərini Böyük Vətən Müharibəsində nasist işğalçıları üzərində Qələbəyə həsr olunmuş tədbirlərə dəvət edib.

BAKU.WS xəbər verir ki, bunu jurnalistlərə açıqlamasında Rusiya xarici işlər naziri Sergey Lavrov bildirib.

Onun sözlərinə görə, Rusiya liderlərin Moskvaya gəlməsini gözləyir.

Lavrov MDB Xarici İşlər Nazirləri Şurasının iclasından sonra qeyd edib ki, bütün liderlər şəxsən prezident Vladimir Putin tərəfindən Moskvada keçiriləcək parada və digər tədbirlərə dəvət olunub.