Türkiyədə zəlzələ oldu

Türkiyədə Balıkesir vilayətinin Sındırqı rayonunda 4,3 bal gücündə zəlzələ qeydə alınıb.

BAKU.WS xəbər verir ki, bu barədə ölkənin Fəlakət və Fövqəladə Halların İdarə Edilməsi Agentliyi (AFAD) məlumat yayıb.

Yeraltı təkanlar yerli vaxtla saat 15:41-də baş verib, zəlzələnin ocağı 14,1 kilometr dərinlikdə yerləşib. Xatırladaq ki, oktyabrın 27-də Balıkesirdə 6,1 bal gücündə zəlzələ nəticəsində bir bina çökmüş, dağıntılar altından bir ailənin dörd üzvünün meyiti çıxarılmışdı.

Yeni təkanların həmin bölgədə seysmoloji fəallığın davam etdiyini göstərdiyi bildirilir.