Krımda ukraynalı iş adamlarının əmlakı milliləşdiriləcək

Krımda ukraynalı iş adamlarına məxsus 720-dən çox mülk milliləşdirməyə hazırlanır.

BAKU.WS xəbər verir ki, bu barədə cümə axşamı, fevralın 13-də Redpublikanın Dövlət Şurasının sədri Vladimir Konstantinov məlumat verib.

"Biz Krımı bu infeksiyadan tamamilə təmizləyəcəyik və düşmənlərimizin bizdən pul qazanmasına imkan verməyəcəyik. Bu obyektlərin satışından əldə etdiyimiz pulu əsgərlərimizə, onların ailələrinə və Krımın inkişafına xərcləyəcəyik", - deyə o qeyd edib.

Bildirilib ki, onların arasında Krım pivə və sərinləşdirici içkilər zavodu, Nemo delfinariyası, Saki mineral suları və Zeleni Mys sağlamlıq kurort kompleksi kimi iri müəssisələr var.

Ukrayna oliqarxlarının milliləşdirilmiş aktivlərinin satışından Krım büdcəsinə artıq 2 milyard rubldan çox vəsait daxil olub.