İtaliyanın bir şəhərində xəstələnmək qadağan edildi

İtaliyanın Belkastro şəhərinin meri Antonio Torchia yerli sakinlərdən "tibbi yardım, xüsusilə də təcili yardım tələb edən hər hansı xəstəliyə yoluxmamaq" tələbi ilə bağlı fərman verib.

BAKU.WS xarici mətbuata istinadən xəbər verir ki, Torchia bu yolla bölgənin səhiyyə resurslarının kifayət qədər olmadığına diqqət çəkmək istəyib.

"Bu, sadəcə təxribat deyil, fərman yardım çağırışı, qəbuledilməz vəziyyətə diqqət cəlb etmək üsuludur", - deyə Torchia vurğulayıb.

Məlumata görə, Belkastronun təxminən 1300 əhalisi var, onların yarısı yaşlıdır. Şəhərdə tibb məntəqəsi var, lakin o, tez-tez bağlıdır və növbətçi həkimlər həftə sonları, bayram günlərində və ya iş günləri gecə işləmir. Ən yaxın təcili yardım otağı 45 km məsafədədir.