İranda həyatını itirən generalların adları açıqlandı

ABŞ və İsrail tərəfindən həyata keçirildiyi bildirilən hücumlar nəticəsində həyatını itirən iranlı yüksək rütbəli zabitlərin adları yayılıb.

BAKU.WS xəbər verir ki, məlumatı İranın "Tasnim" agentliyi dərc edib.

Siyahıya əsasən, ölənlər arasında Silahlı Qüvvələrin və Ali Baş Komandanlıq aparatının bir sıra aparıcı simaları yer alır.

Həlak olan generallar:

General-mayor Məhəmməd Şirazi – Ali Baş Komandanın Ofisinin rəhbəri

General-mayor Saleh Əsədi – Silahlı Qüvvələrin Baş Qərargah rəisinin kəşfiyyat üzrə müavini

General-mayor, pilot Möhsün Dərəbaği – təminat və logistika üzrə müavin

General-mayor Əkbər İbrahimzadə – Ali Baş Komandanın Ofisi rəhbərinin müavini

General-mayor Qulamrza Rzaiyan – FARAJA Kəşfiyyat Təşkilatının rəhbəri

General-mayor Bəhram Hüseyni Motləq – Baş Qərargahın əməliyyat planlaşdırma şöbəsinin rəisi

General-mayor Həsənəli Tacik – Baş Qərargahın təminat idarəsinin rəhbəri

Hadisə regionda artan hərbi gərginlik fonunda baş verir və tərəflər arasında qarşıdurmanın daha da dərinləşə biləcəyi ehtimal edilir.